ಪರೀಕ್ಷೆ!
ಪರೀಕ್ಷೆ!
ಗಾಢಾಂಧಕಾರ!
ಕಣ್ಣು ಕಳೆದುಕೊಂಡೆನೇನೋ ಅನ್ನಿಸುವಷ್ಟು ಕತ್ತಲು!
ಬಾಹ್ಯವೂ-ಕತ್ತಲು!
ಮನಸ್ಸೋ- ತಮಸ್ಸು!
ಯಾಕಾಗಿ ಹುಡುಕುತ್ತಿದ್ದೇನೋ ಎಲ್ಲಿಗೆ ಚಲಿಸುತ್ತಿದ್ದೇನೋ...,
ಧೈರ್ಯ ಪರೀಕ್ಷೆ!
*
ತಟ್ಟನೆ ಎಚ್ಚರಗೊಂಡೆ!
ದಿಗಿಲು!
ಧೈರ್ಯಪರೀಕ್ಷೆಗೆ ಇಳಿದವನಿಗೆ ದಿಗಿಲು!
ಪರೀಕ್ಷೆ ಕನಸ್ಸಿನಲ್ಲಿ!
ವಾಸ್ತವ- ಕಠಿಣ!
ಮರಣಕ್ಕಿಂತ ಹೆಚ್ಚೇನೂ ಇಲ್ಲದಿದ್ದರೂ- ಪ್ರತಿಯೊಂದಕ್ಕೂ ಭಯ! ಹೆದರಿಕೆ! ಪರಿಭ್ರಮ!
ಯಾಕೆ?
ಯೋಚನೆಯಲ್ಲಿದ್ದಾಗ ದಾರಿಹೋಕಳೊಬ್ಬಳು ಎಸೆದ ಒಂದು ರೂಪಾಯಿ ನಾಣ್ಯ ಉರುಳಿ ಬಂತು!
ಕನಸು! ಎಚ್ಚರಗೊಂಡರೆ ಯೋಚನೆ! ಯೋಚನೆಯಿಂದ ಎಚ್ಚರಗೊಂಡರೆ..., ವಾಸ್ತವ!
*
ನಿಜವೇ...!
ನಾವು ವಾಸ್ತವದಲ್ಲಿರುವುದು ಕಡಿಮೆಯೇ!
ಒಂದೋ...., ಭೂತಕಾಲದಲ್ಲಿರುತ್ತೇವೆ! ಇಲ್ಲವೇ ಭವಿಷ್ಯದಲ್ಲಿರುತ್ತೇವೆ! ಅಥವಾ ಕನಸಿನಲ್ಲಿ... ಅದೂ ಅಲ್ಲವಾ...? ಭ್ರಮೆ! ಮತ್ತೆ- ಯೋಚನೆ...!
ಹಾಗಿದ್ದರೆ ವರ್ತಮಾನಕಾಲ ಯಾವಾಗ?
ಇರುವುದಿಲ್ಲ!
*
ಕಣ್ಣು ಮಂಜಾಗತೊಡಗಿದೆ! ಏನೂ ಸ್ಪಷ್ಟವಾಗಿ ಕಾಣಿಸುವುದಿಲ್ಲ! ವಯಸ್ಸಾಯಿತಾ....?
ಇಲ್ಲ!
ಆದರೆ...., ಸಾವು ಯಾವ ಸಮಯದಲ್ಲಿ ಬರುತ್ತದೋ ಯಾರಿಗೆ ಗೊತ್ತು?!
ಈಗ...,
ವಯಸ್ಸಾಯಿತಾ...?
ನಾನಾಗಿ ಸಾಯದೆ ಈ ಮರಣವೂ ಹತ್ತಿರಬರುತ್ತಿಲ್ಲವೆನ್ನುವ ವ್ಯಥೆ ನನಗೆ!
ಮತ್ತೆ ಹೆದರಿಕೆಯೇನು?
*
ದೇವರ ಗುಡಿ! ಸಣ್ಣ ಗುಡಿಯಲ್ಲ- ದೊಡ್ಡ ದೇವಸ್ಥಾನ! ಅದ್ದೂರಿಯಾಗಿದೆ!
ಜನ! ತಾವು ಮಾಡಿದ ಪಾಪ, ತಪ್ಪುಗಳ ಒಪ್ಪಿಕೆಗೆ, ದರ್ಶನಕ್ಕೆ- ಮುಗಿಬಿದ್ದಿದ್ದಾರೆ!
ಭಯವಿಲ್ಲದ ಭಕ್ತಿಯಿಲ್ಲ!
ಜನರಿಗನುಸಾರವಾಗಿ ಕಾಲಿಗೊಬ್ಬರಂತೆ ನಾವು- ಭಿಕ್ಷುಕರು!
ಪಾಪದ ಹೊರೆ ಹೊರುವವರು!
ದೇವರಿಗೆ ಎಲ್ಲರೂ ಒಂದೇ ಅನ್ನುವ ನಂಬಿಕೆ!
ಮತ್ತೇಕೆ ನಾವು ಹೀಗೆ- ಅವರು ಹಾಗೆ?
*
ಮತ್ತೊಂದು ನಾಣ್ಯ!
ತಲೆಯೆತ್ತಿ ನೋಡಿದೆ.
ಮಸುಕು ಕಣ್ಣಿಗೆ ಮುಖ ಸ್ಪಷ್ಟವಾಗಲಿಲ್ಲ!
ಪ್ರತಿಯೊಬ್ಬರಿಗೂ ಒಂದೊಂದು ನಾಣ್ಯವನ್ನು ಎಸೆಯುತ್ತಾ ಹೋದರಾಕೆ!
ಸ್ವಲ್ಪ ಮುಂದೆ..., ಯಾರೋ ಹೊತ್ತಿಸಿಟ್ಟ ಕರ್ಪೂರದ ಬೆಂಕಿ, ರೇಷ್ಮೆ ಸೀರೆಯ ಸೆರಗಿಗೆ ಹೊತ್ತಿ...!
ಆಹಾಕಾರ!
ಪ್ರಾಣದ ಬೆಲೆ!
ಯಾರಿಗಿಲ್ಲ ಭಯ?
ಇದು- ಪರೀಕ್ಷೆ!
ಎದ್ದೆ...., ನುಗ್ಗಿದೆ...., ಒಂದೂವರೆ ಕಾಲು! ಒಂದು ಕೈ! ಯಾರಿಗಿಂತಲೂ ಬಲಶಾಲಿ..., ಅವಳನ್ನು ಹೆಗಲಮೇಲೆ ಹೊತ್ತಿದ್ದೇ ಸಾಕ್ಷಿ!
ಕಣ್ಣು ಮಂಜಾದರೇನು ನನಗೆ ಗೊತ್ತಿಲ್ಲದ ದಾರಿಯೆ?
ಆಕೆಯ ಬೆಂಕಿ ನನ್ನನ್ನೂ ಆವರಿಸುತ್ತಿದ್ದರೂ...., ಓಡಿದೆ!
ದೇವೀಕೆರೆಗೆ!
*
ತಮಸ್ಸು- ಹೊರಗೆ!
ಒಳಗೆ- ಜ್ಯೋತಿ!
ದೇವರಿಗೆ ಎಲ್ಲರೂ ಸಮಾನರೇ...!
ಸಮಾನತೆ ಅವರವರ ಮನಸ್ಸನ್ನು ಅವಲಂಬಿಸಿದೆ!
*
ಧೈರ್ಯ ಪರೀಕ್ಷೆಯಲ್ಲಿ ನಾನು ಗೆದ್ದೆ- ಯಾರಿಗಿಂತಲೂ!
ಪ್ರಾಣವನ್ನು ನೀಡುವುದು, ಪರಿಪಾಲಿಸುವುದು, ತೆಗೆಯುವುದು- ದೇವರು!
ಪ್ರಾಣ ರಕ್ಷಣೆ..., ಪರಿಪಾಲನೆಗೆ ಬರುತ್ತದೆ!
ನಾನು ದೇವರಾದೆ!
ಅಹಂಬ್ರಹ್ಮಾಸ್ಮಿ!
ಇನ್ನು ಹೆದರಿಕೆಯೇ? ಪರೀಕ್ಷೆಯೆ?
ಕರುಣೆ ಧೈರ್ಯ ತ್ಯಾಗ ಸಹ್ಯತೆಯೇ ದೈವಿಕತೆಯನ್ನು ಬಿಂಬಿಸುತ್ತದೆ
ReplyDelete