writings

ನಂಬಿಕೆ ! ೧ ಏಕಾಂತ - ಎಷ್ಟು ಚಂದ ! ಅದೊಂದು ಸ್ಥಳ ! ನಿರ್ಜನವಾದ ಸ್ಥಳ ! ಜನ ಅಲ್ಲಿಗೆ ಬರಲು ಹೆದರುತ್ತಾರೆ ! ವಿಚಿತ್ರವೆಂದರೆ… , ಅಲ್ಲೊಂದು ದೇವಿಯ ವಿಗ್ರಹವಿರುವ ಗುಡಿಯಿದೆ ! ಯಾವಕಾಲದಲ್ಲಿ - ಯಾವ ಪುಣ್ಯಾತ್ಮ ಕಟ್ಟಿಸಿದನೋ ಏನೋ… ! ದೇವಿಯ ಗುಡಿಯಿದ್ದೂ ಅಲ್ಲಿಗೆ ಬರಲು ಹೆದರುತ್ತಾರೆಂದರೆ… , ನಂಬಿಕೆ ಪ್ರಶ್ನಿಸಲ್ಪಡುತ್ತದೆ ! ನನಗೋ… , ಅದೊಂದು ಸ್ವರ್ಗ ! ಧ್ಯಾನಿಸುತ್ತಾ ಕುಳಿತೆನೆಂದರೆ… , ಪ್ರಪಂಚದ ಇರವೂ ಅರಿವಿಗೆ ಬರುವುದಿಲ್ಲ ! ಧ್ಯಾನದ ಕೊನೆಗೆ ದೇವಿಯೊಂದಿಗೆ ಸಂಭಾಷಿಸುತ್ತೇನೆ ! ಅಲ್ಲಿ ಸರಿ ತಪ್ಪುಗಳ ವಿಶ್ಲೇಷಣೆ ನಡೆಯುತ್ತದೆ ! ಒಬ್ಬರ ಸರಿ ಮತ್ತೊಬ್ಬರ ತಪ್ಪು ಹೇಗಾಗುತ್ತದೆ… , ಕೈಮೀರಿ ಮಾಡುವ ತಪ್ಪುಗಳ ಪರಿಣಾಮವೇನು… , ನಮ್ಮರಿವಿಲ್ಲದೆ ನಮ್ಮಿಂದಾಗುವ ತಪ್ಪುಗಳು ಯಾವುದು… , ತಪ್ಪುಗಳಿಗೆ ಪ್ರಾಯಶ್ಚಿತ್ತಗಳೇನು… , ಕೊನೆಗೆ… , ನಿಜವಾಗಿಯೂ ತಪ್ಪು ಅಂದರೆ ಏನು ಅನ್ನುವುದನ್ನು ಕೂಡ ಚರ್ಚಿಸುತ್ತೇ ( ನೆ ) ವೆ ! ನಿಷ್ಕಾಮ ಕರ್ಮದ ಬಗ್ಗೆಯೂ , ಮತಗಳಿಗೂ ಧರ್ಮಕ್ಕೂ ಇರುವ ವತ್ಯಾಸದ ಬಗ್ಗೆಯೂ ಸಂಸ್ಕೃತಿ , ಸಂಸ್ಕಾರಗಳಬಗ್ಗೆಯೂ… , ಹ್ಹೊ… , ಕೆಲವೊಮ್ಮೆ ನನಗನ್ನಿಸುತ್ತದೆ… , ಹೊರ ಪ್ರಪಂಚವನ್ನು ನೋಡಿ ನಾವು ಕಲಿಯುವುದಕ್ಕಿಂತ ಹೆಚ್ಚಿನ ಅರಿವು ನಮ್ಮೊಳಗೆ ನಾವು ಶೋಧಿಸಿದರೆ ದಕ್ಕುತ್ತದೆಂದು ! ಆತ್ಮಸಾಕ್ಷಿಗನುಗುಣವಾಗಿ ಬದುಕಿದರೆ ಸಾಕು… , ಪ್ರಪಂಚದ ಅಸ್ತಿತ್ವವೇ ಬದಲಾಗುತ್ತದೆ ! ೨ ಚಿಕ್ಕ ವಯ...

ದೇವೀಪುತ್ರನೆಂದರೆ ...! ಹಾಗೆ… , ಜೀವನದಲ್ಲಿ ಎರಡು ಹಂತಗಳು ಮುಗಿದವು ! ಅದನ್ನು ಆಶ್ರಮಗಳೆಂದು ಕರೆದರೆ… , ಬ್ರಹ್ಮಚರ್ಯ , ಗೃಹಸ್ಥ ಮುಗಿದು ವಾನಪ್ರಸ್ಥಕ್ಕೆ ! ಇಪ್ಪತ್ತೈದು ವರ್ಷಗಳ ನಾಲಕ್ಕು ಆಶ್ರಮಗಳು - ನನ್ನ ಬದುಕಿನಲ್ಲಿ… , ಮೊದಲ ಆಶ್ರಮ ಮಾತ್ರ ಇಪತ್ತೈದು ವರ್ಷ ! ಎರಡನೆಯದ್ದು ಏಳು ಪ್ಲಸ್ ನಾಲಕ್ಕು ಹನ್ನೊಂದು ವರ್ಷ ! ಮೂರನೆಯದ್ದು ಹದಿನೈದು ವರ್ಷ ! ನಾಲ್ಕನೆಯದ್ದು ಹತ್ತು ! ಒಟ್ಟು ಅರವತ್ತೊಂದು ವರ್ಷದ ಬದುಕು ! ಭೂತಕಾಲದ ಅನುಭವದಲ್ಲಿ ಭವಿಷ್ಯವನ್ನು ನಿರ್ಧರಿಸಿ ವರ್ತಮಾನದಲ್ಲಿ ಬದುಕಬೇಕಂತೆ ! ನನ್ನ ಭೂತಕಾಲದ ಬದುಕೇನು ? ಅದನ್ನು ಹೀಗೆ ಹೇಳಬಹುದು… , ಗೃಹಸ್ಥಕ್ಕೆ ಕಾಲಿಡುವವರೆಗೆ ನಾನು ಬರೆದ ಕಥೆಗಳ ಸಂಖ್ಯೆ - ನಲವತ್ತು ! ಜೊತೆಗೆ ಸಂಪೂರ್ಣವಾಗಿ ಕಾದಂಬರಿಯೊಂದರ ರೂಪುರೇಷೆ ! ಗೃಹಸ್ಥ - ನರಕ ! ಏಳು ವರ್ಷಗಳಲ್ಲಿ ನಾನು ಬರೆದದ್ದು ಕಾದಂಬರಿ ಮಾತ್ರ ! ಅದೂ ಕೂಡ ಪೂರ್ಣವಾಗಿ ರೂಪುರೇಷೆ ತಯಾರಾಗಿದ್ದ ಕಾದಂಬರಿ ! ನಂತರ ಹೆಂಡತಿ ಬಿಟ್ಟು ಹೋದ ನಾಲ್ಕು ವರ್ಷದಲ್ಲಿ ನಾನು ಬರೆದ ಕಥೆಗಳ ಸಂಖ್ಯೆ ನೂರು ಮತ್ತು ಒಂದು ಕಾದಂಬರಿ ಮತ್ತು ಮೂರು ಸಿನೆಮಾಗಾಗಿನ ಸ್ಕ್ರಿಪ್ಟ್ ! * ಇದುವರೆಗಿನ ನನ್ನನ್ನು ನಾನು ಹೊರ ಹಾಕದೆ ಹೊಸ ನಾನು ರೂಪುಗೊಳ್ಳುವುದು ಕಷ್ಟ ! ಯಾವುದು ಸರಿ , ಯಾವುದು ತಪ್ಪು ನಿರ್ಧರಿಸುವವರಾರು ? ನನ್ನ ಬದುಕು ನನ್ನದು ! ನೆನಪುದಿಸಿದಾಗಿನಿಂದಲೂ ಏಕಾಂತವನ್ನು ಇಷ್ಟಪಟ್ಟವನು ನಾನು !...

ಪ್ರೇಮ ಪರೀಕ್ಷೆ ! ಅವಳ ( ಹೆಣ್ಣಿನ ) ಪಾದವನ್ನು ನನ್ನ ಹೃದಯದಲ್ಲಿಟ್ಟು ಆರಾಧಿಸಿದೆ ! ಅವಳೆಂದಳು… , “ ಅಂತೂ ನೀನು ಬದಲಾಗುವುದಿಲ್ಲ ! ಯಾರು ಇದ್ದರೇನು , ಬಿಟ್ಟರೇನು , ನೀನು ಮಾತ್ರ… , ಅವಳು ಬಿಟ್ಟರೆ ಇವಳು , ಇವಳು ಬಿಟ್ಟರೆ ಅವಳು ಅಂತ ಸುಖವಾಗಿರ್ತೀಯ ! ಅವಳೂ ಬೇಕು ಇವಳೂ ಬೇಕು ನೀನೂ ಇರು ಎನ್ನುವ ಕೆಟಗರಿ ನಾನಲ್ಲ ! ನನ್ನ ಹೃದಯ ಪ್ರೇಮದ ಘನತೆ , ಹಿರಿಮೆಗೆ ತಕ್ಕವನಲ್ಲ - ಯೋಗ್ಯನಲ್ಲ ನೀನು ! ಯಾವಳನ್ನೋ ಇಟ್ಟುಕೊಂಡವ ಕಟ್ಟಿಕೊಂಡವಳಿಗೆ - ನಿನಗೇನು ಕಡಿಮೆ ಮಾಡಿದ್ದೇನೆ - ಎಂಬುವವನಿಗಿಂತ ನಿಕೃಷ್ಟ ನೀನು ! ಅವಳ ಹೆಸರೇ ನನಗೆ ಮೈ ಉರಿಯುವಾಗ , ಅವಳಲ್ಲೇ ಬಿದ್ದು ಹೊರಳಾಡುವುದು ನಿನಗೆ ಸುಖ ! ಒಂದೋ ನಾನು ಅಥಾವಾ ಅವಳು ಎನ್ನುವ ಕಾನ್ಸೆಪ್ಟ್ ಇತ್ತು… ! ಊಹೂಂ , ನೀನು ಬದಲಾಗುವ ಜಾತಿಯಲ್ಲ ! ನಾಯಿನ ಕರೆದುಕೊಂಡು ಹೋಗಿ ಸಿಂಹಾಸನದಲ್ಲಿ ಕೂರಿಸಿದರೆ ಹೊಲಸು ಕಾಣುವಾಗ ಮತ್ತೆ ಹಾರಿತಂತೆ - ಅಂತಹ ನಿಕೃಷ್ಟ ಮನಸ್ಥಿತಿಯವನು ನೀನು ! ಯಾವುದೇ ಕಾರಣಕ್ಕೂ ನನಗೆ ಜೀವ ಇರುವವರೆಗೆ ನಿನ್ನ ಮುಖ ತೋರಿಸಬೇಡ - ಹಾಳಾಗಿ ಹೋಗು !! ನೀನು ಮಾತ್ರ ಸರ್ವನಾಶ ಆಗಿ ಹೋಗಬೇಕು - ನನ್ನ ಕಣ್ಣಮುಂದೆಯೇ… ! ನನ್ನಿಂದ ನಿನ್ನೆಡೆಗೆ ಹರಿದ ಅಷ್ಟೂ ಒಳಗಿನ ಪವಿತ್ರ ಭಾವಕ್ಕೆ ದ್ರೋಹ ಬಗೆದ ನಿನಗೆ ಒಳ್ಳೆಯದಾಗಬಾರದು… ! ನಿನಗೇನು ದ್ರೋಹ ಬಗೆದೆ ಅನ್ನುತ್ತೀಯಲ್ಲ… , ನಿನ್ನೆಡೆಗೆ ಹರಿಸಿದ ಅಷ್ಟೂ ಭಾವವನ್ನು ಮತ್ತೂ ಬೇರೆಡೆ ಹುಡುಕಿಕೊಂಡು… , ಅಲ್...

ಬ್ಯುಸಿ ! “ ಅಲ್ಲಯೋ ದೇವೀ… !” “ ಇರು ಇರು… , ಬ್ಯುಸಿಯಾಗಿದ್ದೀನಿ !” “ ವಾ ! ನಾನಲ್ಲದೆಯೂ ಬ್ಯುಸಿಯೋ ?” “ ನೀನೆಂಬ ಬ್ಯುಸಿಯಿಂದ ಮುಕ್ತಳಾಗಿದ್ದೀನಿ !” “ ಹೇಗೆ ?” “ ಹೇಗಾ… ! ಜೀವನವೆನ್ನುವುದು ಕಾರಣ - ಪರಿಣಾಮಗಳ ಸರಣಿ !” “ ಇದೇನು ದೇವಿ ! ನಾನು ಇತರರಿಗೆ ಹೇಳುವ ಕಥೆಯಂತೆ… , ಸುತ್ತಿ ಬಳಸಿ ಹೇಳುತ್ತಿರುವುದು !” “ ಇಷ್ಟು ದಿನ ನೀನು ಗಮನಿಸಿರಲಿಲ್ಲ ! ನಾನು ಹೀಗಾದ್ದರಿಂದಲೇ ನೀನು ಹಾಗೆ ! ಆದ್ದರಿಂದಲೇ ಹೇಳಿದ್ದು ! ನೀನೆಂಬ ಬ್ಯುಸಿಯಿಂದ ಮುಕ್ತಳಾಗಿದ್ದೀನಿ !” “ ನನಗರ್ಥವಾಗಲಿಲ್ಲ ! ಬದುಕಿರುವವರೆಗೂ ಜೊತೆಗಿರುತ್ತೇನೆಂದವಳು !” “ ಪುತ್ರಾ… ! ನಿನ್ನೊಂದಿಗೆ ಇರುವುದಿಲ್ಲಾ ಎಂದೆನೆ ? ಇಲ್ಲದಿರುವುದು ಅಂದರೆ ಏನು ?” “ ಅದೇ ಯೋಚಿಸುತ್ತಿದ್ದೇನೆ ! ಈ ದೇವಿಗೇನಾಯಿತು ಸಡನ್ನಾಗಿ ಅಂತ !” ನಕ್ಕರು ದೇವಿ . ಎರಡೂ ಕೈಯಿಂದ ಬಾಚಿ ತಮ್ಮೆದೆಯೊಳಕ್ಕೆ ಅದುಮಿಕೊಂಡರು . ನೆಮ್ಮದಿ ! “ ಅರ್ಥವಾಯಿತಾ ?” ಎಂದರು . ಮುಗುಳುನಕ್ಕೆ ! * ಅಹಂಬ್ರಹ್ಮಾಸ್ಮಿ ! ಎಷ್ಟೇ ಅಹಂಬ್ರಹ್ಮಾಸ್ಮಿ ಅಂದುಕೊಂಡರೂ ದ್ವೈತವನ್ನು ಆಚರಿಸುವ ಅದ್ವೈತಿ ನಾನು ! ಅದೇನು ಮಾಯವೋ ಏನೋ… , ಚಿಕ್ಕಂದಿನಿಂದಲೂ ಅದೃಶ್ಯವಾಗಿ ಯಾರೋ ನನ್ನೊಂದಿಗಿರುವ ಭಾವ ! ಹೊರಗೆ ಇದ್ದಾರೆಂದರೆ ಖಂಡಿತಾ ನಾನು ದ್ವೈತಿ ! ಆದರೆ ನನಗೋ… , ಈ ಬ್ರಹ್ಮಾಂಡದಲ್ಲಿ ನಾನೂ ಒಂದು ಅಂಶ ಅಂದಮೇಲೆ ದ್ವೈತಿ ಹೇಗೆ ಅನ್ನುವ ಗೊಂದಲ ! ಯಾವುದೂ ನನ್ನಿಂದ ಹೊರತಲ...

ಹನಿಟ್ರಾಪರ್ ! ೧ ಇದೊಂದು ವಿಚಿತ್ರ ಅನುಭವ ನನಗೆ ! ಒಮ್ಮೆ ನೋಡಿದರೆ ಸಾಕು ಪ್ರೇಮಿಸಬೇಕು ಅನ್ನಿಸುವ ಪ್ರೊಫೈಲ್ ಫೋಟೋ ಇರುವ ಹೆಣ್ಣೊಬ್ಬಳು ಫೇಸ್‌ಬುಕ್‌ನಲ್ಲಿ ಫ್ರೆಂಡ್‌ರಿಕ್ವೆಸ್ಟ್ ಕಳಿಸಿದ್ದಳು ! ಅಪರಿಚಿತಳಾದ್ದರಿಂದ ಎಬೌಟ್ ಚೆಕ್ ಮಾಡಿದೆ ! ವಯಸ್ಸು ಎಪ್ಪತ್ತ ಏಳು !! “ ಇದೆಂತ ಮಾರ್ರೆ ವಯಸ್ಸು ಇಷ್ಟು ತೋರಿಸುತ್ತಿದೆ ?” ಎಂದು ಇನ್‌ಬಾಕ್ಸಿನಲ್ಲಿ ಕೇಳಿದೆ . “ ನಿಜ !” ಎಂದಳು . ಅರ್ಥವಾಯಿತು - ಗಂಡಸರೆಂದರೆ ತುಂಬಾ ಹಗುರವಾದ ಅಭಿಪ್ರಾಯವಿರುವ ಹೆಣ್ಣೆಂದು ! ಅವಳ ಬರಹವೊಂದಕ್ಕೆ ಹೋಗಿ ಕಮೆಂಟ್ ಮಾಡಿದೆ ! “ ವಯಸ್ಸು ಎಪ್ಪತ್ತೇಳು ! ಹಾಕಿರುವ ಪಟ ಮೂವತ್ತೈದರ ಹೆಣ್ಣಿನದ್ದು ! ಬರಹವೋ… , ಹರೆಯದವರಿಗೆ ಅನುಗುಣವಾಗಿ ! ಯಾಕೆ ಹೀಗೆ ?” ಎಂದು . “ ವಯಸ್ಸು ಎಷ್ಟಾದರೂ ಹಾಕಬಹುದು ! ಬೇರೆಯವರ ಪಟ ಹಾಕಲಾಗುವುದಿಲ್ಲ !” ಎನ್ನುವ ಉತ್ತರ ಬಂತು ! ಅಷ್ಟೇ ! ಹಾಕಿರುವ ವಯಸ್ಸು ನಿಜವಲ್ಲ ! ಅವಳ ವಯಸ್ಸನ್ನು ಇಟ್ಟುಕೊಂಡು ನನಗೇನೂ ಆಗಬೇಕಾಗಿಲ್ಲ ! ಅಷ್ಟು ಚಂದ ಪಟ ಹಾಕಿ… , ವಯಸ್ಸು ಅಷ್ಟು ಅತಿಯಾಗಿ ಹಾಕುವುದರ ಉದ್ದೇಶ ಅರ್ಥವಾಗುತ್ತದೆ ! ಆ ಉದ್ದೇಶ ಏನೇ ಇರಲಿ… , ನಿಜವಾದ ವಯಸ್ಸನ್ನು ಹೇಳಬೇಕಾಗಿರಲಿಲ್ಲ - ಆದರೆ ಸುಳ್ಳು ಹೇಳದೆ ಇರಬಹುದಿತ್ತು ! ' ಅದು ನಿಜ ' ಅನ್ನುವುದಕ್ಕಿಂತ ' ಏನೋ ಒಂದು ಹಾಕಿದೆ ' ಅಂದಿದ್ದರೆ ನನ್ನ ಕುತೂಹಲ ಅಲ್ಲಿಗೆ ಮುಗಿಯುತ್ತಿತ್ತು ! ಸುಳ್ಳು ಹೇಳಿದ್ದರ ಉದ್ದೇ...

ಗಲಗಲಗಲಗಲ ! ೧ ಇದೊಂದು ಕಥೆ ! ಕಥೆಯ ಮೂಲ - ಒಂದು ಕನಸು ! ಕಥೆಗೆ ಊರುಗೋಲು ಅನ್ನುವ ಹೆಸರಿಡಬೇಕೋ , ಮುಕ್ತಿ ಅನ್ನುವ ಹೆಸರಿಡಬೇಕೋ , ಅಥವಾ ಗಲಗಲಗಲಗಲ ಅನ್ನುವ ಹೆಸರಿಡಬೇಕೋ ಗೊಂದಲ ! ಕೊನೆಗೆ… , ಮೂರೂ ಅವಳೇ ಆದರೂ ಕಥೆ ಪೂರ್ತಿ ಅವಳ ಗಲಗಲಗಲಗಲವಾದ್ದರಿಂದ ಅದೇ ಹೆಸರು ! ವಾನಪ್ರಸ್ಥ ಎಂದು ಇಡಬಹುದಿತ್ತು ! ಆದರೆ… , ಅದಕ್ಕೆ ಸಂಬಂಧಿಸಿದ ಕಥೆಯಾದರೂ ವಾನಪ್ರಸ್ಥಕ್ಕೆ ಪ್ರವೇಶಿಸಲು ಬೇಕಾದ ಪಕ್ವತೆ ಇಲ್ಲದ್ದರಿಂದ ಬೇಡ ! ಪ್ರೇಮ ಪರೀಕ್ಷೆ ಅನ್ನುವ ಹೆಸರು… , ಯಾಕೋ ಹಿಡಿಸಲಿಲ್ಲ ! ಪ್ರೇಮ ಶಿಲೆ ಅನ್ನುವ ಹೆಸರು… , ತುಂಬಾ ಸಾಮಾನ್ಯ ಅನ್ನಿಸಿತು ! ಇನ್ನು… , ಈ ಕಥೆ ನಡೆಯುವುದು ಈಗಲ್ಲ… , ಎರಡುಸಾವಿರದ ನಲವತ್ತೆಂಟನೇ ಇಸವಿಯಲ್ಲಿ ! ಅದೇನು ವಿಚಿತ್ರವೋ… , ನನ್ನ ಅರವತ್ತೊಂದನೇ ವಯಸ್ಸಿನಲ್ಲಿಯೇ ಸತ್ತುಹೋಗುತ್ತೇನೆನ್ನುವ ನಂಬಿಕೆ ನನ್ನದು ! ಬದುಕಿರುವವರೆಗೂ ಆರೋಗ್ಯದೃಢ ಗಾತ್ರನಾಗಿದ್ದು - ಒಂದೇ ಸಾರಿಗೆ ಹೊರಟು ಹೋಗುವುದು ! ಹೇಗೆ ಎಂದು ಕೇಳಿದರೆ ಗೊತ್ತಿಲ್ಲ ! ಆ ನಂಬಿಕೆಗೂ ಈ ಕನಸಿಗೂ ಏನಾದರೂ ಸಂಬಂಧವಿದೆಯೇ ಅಂದರೆ… , ಅದೂ ಗೊತ್ತಿಲ್ಲ ! ೨ ಅವಳು ನನಗಿಂತ ಕಿರಿಯಳೋ ಹಿರಿಯಳೋ ! ಕನಸಿನಲ್ಲಿ… , ಅವಳನ್ನು ಮೊದಲು ಭೇಟಿಯಾದಾಗ ಹೇಗಿದ್ದಳೋ ಹಾಗೇ ಇದ್ದಳು ! ನನಗೆ ಮಾತ್ರ ವಯಸ್ಸಾಗಿತ್ತು ! ಊರುಗೋಲಿಗೆ ಬದಲಾಗಿ ಅವಳೇ ನನ್ನ ಕೈ ಹಿಡಿದು ನಡೆಯುತ್ತಿದ್ದಳು ! ಅವಳು ನಡೆಸಿದ್ದೇ ದಾರಿ ! “ ಎಷ್ಟು ಹೇಳಿದರ...