writings

ಮನಸ್ಸೂ ಹೆಣ್ಣೂ ನಿಮಿತ್ತವೂ ಬದುಕೂ - ಕಥೆ ! ೧ ಮನಸ್ಸು ಒಂದು ಅದ್ಭುತ ! ಪ್ರತಿಕ್ಷಣದ ಬೆಳವಣಿಗೆ , ಚಿಂತನೆ , ಆತ್ಮವಿಮರ್ಶೆ , ಸರಿ ತಪ್ಪುಗಳ ವಿಶ್ಲೇಷಣೆ , ಗೊಂದಲಗಳು , ವ್ಯಕ್ತಿತ್ವದ ವಿಕಾಸ - ಅವನತಿಗಳು… , ನಿರಂತರತೆ ಅನ್ನುವುದು ಬದುಕಿರುವವರೆಗೆ ನಮ್ಮ ಮನಸ್ಸಿನ ಸಹಜ ಗುಣ ! ಬದುಕಿಗೆ ಸಂಬಂಧಪಟ್ಟಂತೆ ನಾವು ತೆಗೆದುಕೊಂಡ ತೀರ್ಮಾನಗಳು - ನಿಶ್ಚಯಗಳನ್ನು ಹೊರತುಪಡಿಸಿ ಒಮ್ಮೆ ಇದ್ದ ಮನಸ್ಸು ಮತ್ತೊಮ್ಮೆ ಇರುವುದಿಲ್ಲ ! ಅದೂ ಕೂಡ ನಮ್ಮ ಮನಸ್ಸಿನ ಮೇಲೆ ನಮಗಿರುವ ಹಿಡಿತವನ್ನು - ನಿಶ್ಚಯದಾರ್ಢ್ಯತೆಯನ್ನು ಅವಲಂಬಿಸಿ ! ಉಳಿದಂತೆ ಮನಸ್ಸು ಪ್ರತಿ ಕ್ಷಣ ಬದಲಾಗುತ್ತಲೇ ಇರುತ್ತದೆ ! ಕಾರಣ… , ಸಂದರ್ಭ ! ಒಮ್ಮೆ ಇದ್ದ ಸಂದರ್ಭ ಮತ್ತೊಮ್ಮೆ ಬರಬೇಕೆಂದಿಲ್ಲ ! ಹಾಗೆಯೇ… , ಮತ್ತೊಮ್ಮೆ ಮರುಕಳಿಸಿದರೂ ಮನಸ್ಸಿನ ಪ್ರತಿಕ್ರಿಯೆ ಒಂದೇ ಇರಬೇಕೆಂದೂ ಇಲ್ಲ ! ಮನಸ್ಸನ್ನು ನಿಶ್ಚಯಿಸುವುದು ಒಂದು ರೀತಿಯಲ್ಲಿ - ಅನುಭವಗಳು ! ನಮ್ಮ ಮನಸ್ಸು ಹೊರಗಿನವರಿಗೆ ಪ್ರಶ್ನಾತೀತ ! ನಮ್ಮ ಪೂರ್ತಿ ಬದುಕಿಗೆ ನಾವೇ ಹೊಣೆಗಾರರು ಹೊರತು ಯಾರನ್ನೂ ಕಾರಣ - ನೆಪ - ಹೇಳುವಂತೆ ಇಲ್ಲ ! ಆದರೂ ಕೆಲವೊಮ್ಮೆ ಹೊರಗಿನವರು - ಹೊರಗಿನವರೆಂದರೆ… , ನಮ್ಮೊಳಗಿದ್ದರೂ ನಮಗಿಂತ ಭಿನ್ನ ವ್ಯಕ್ತಿತ್ವ ಇರುವವರು… , ನಮ್ಮ ಮನಸ್ಸನ್ನು ಎಷ್ಟರಮಟ್ಟಿಗೆ ನಿಯಂತ್ರಿಸುತ್ತಾರೆಂದರೆ… , ಒಂದು ಹಂತದಲ್ಲಿ ಅದರಿಂದ ಹೊರಬಂದರೆ ಸಾಕು ಅನ್ನಿಸುವಷ್ಟು ! ಹಾಗೆಂ...

ಮಹಾಪ್ರಳಯ ! ಎಂಥಾ ಅಚಾತುರ್ಯವಾಯಿತು ! ಆರು ತಿಂಗಳ ನಂತರ ತವರಿನಿಂದ ಮರಳುತ್ತಿರುವ ಹೆಂಡತಿಯನ್ನು ಕರೆತರಲು ಬಂದಿದ್ದೆ ! ಗಾಡಿ ಗೆಳೆಯನದ್ದೆಂದು ಮರೆತು ಹೋಯಿತು ! ನನ್ನ ಗಾಡಿ ಸರ್ವೀಸಿಗೆ ಕೊಟ್ಟಿದ್ದೆ ! ಹೆಂಡತಿಯನ್ನು ಕೂರಿಸಿಕೊಂಡು ಬರುವಾಗ ದೂರದಲ್ಲಿ ಇಬ್ಬರು ಸೀರೆ ಉಟ್ಟ ಸುಂದರಿಯರು ಕಾಣಿಸಿದರು ! ಅಭ್ಯಾಸ ಬಲದಿಂದ ಕಣ್ಣುಮಿಟುಕಿಸಿ ನಕ್ಕೆ ! ಅವರನ್ನು ದಾಟಿ ಹೋದಮೇಲೆ ಅವರು ನಮ್ಮನ್ನು ನೋಡುತ್ತಿದ್ದಾರೆಯೇ ಎಂದು ತಿಳಿಯಲು ಮಿರರ್‌ನಲ್ಲಿ ನೋಡಿದೆ . ನನ್ನನ್ನೇ ದುರುಗುಟ್ಟಿ ನೋಡುತ್ತಿದ್ದಾಳೆ ಹೆಂಡತಿ ! ಎಡಗಡೆಯ ಮಿರರನ್ನು ಹಿಂಬದಿ ಸವಾರರ ಮುಖ ಕಾಣುವಂತೆ ತಿರುಗಿಸಿ ಇಡುವುದು ಗೆಳೆಯನ ದುರ್‌ಅ ( ಆ ) ಭ್ಯಾ ( ಭಾ ) ಸ ! “ ನಾನು ನೋಡಿದೆ !” ಎಂದಳು ..., ಭೂಮಿ ನಡುಗಿತು ! ಮುಂದಿನ ಮೂರುದಿನ ಮಹಾ… .!!!???

ಮೋಸಗಾರ ! ೧ ಅವಳೆಂದರೆ ನನ್ನ ಸಂತೋಷ ! ಅವಳು ನನ್ನ ಚಂದ ! ಅವಳ ಸಾನ್ನಿಧ್ಯ ನನ್ನ ನೆಮ್ಮದಿ ! ಅವಳು ಹತ್ತಿರವಿದ್ದಾಗ ನನ್ನೊಳಗೊಂದು ಕಂಪನ ! ಅವಳ ಅಪ್ಪುಗೆ ನನಗೆ ಸ್ವರ್ಗ ! ಅವಳ ಸೌಂಧ್ಯರ್ಯ ನನ್ನ ಆನಂದ ! ಅವಳ ಮುಗ್ಧತೆ ನನ್ನ ತಪಸ್ಸು ! ಅವಳ ಹೃದಯ ನನಗೆ ಜೀವನ ಪ್ರೀತಿ ! ಅವಳಿಗಾಗಿ ತಪಿಸಿದೆ ! ಅವಳ ಅರಿವಿಲ್ಲದೆ ಅವಳಿಗಾಗಿ ಶ್ರಮಿಸಿದೆ ! ಎಲ್ಲಿ ಅವಳಿಗಾಗಿಯೇ ನಾನು ಅವಳಿರಬಹುದಾದ ಸಮಯದಲ್ಲಿ ಹೋಗುತ್ತಿದ್ದೇನೆಂದು ತಿಳಿದು… , ಬರದವಳಾಗುತ್ತಾಳೋ ಎಂದು ಹೆದರಿದೆ ! ಅವಳಿಗೆ ತಿಳಿಯದು - ಒಂದು ಕ್ಷಣದ ಅವಳ ಸಾನ್ನಿಧ್ಯಕ್ಕಾಗಿಯೇ ನನ್ನ ಪ್ರಯತ್ನವೆಂದು ! ಹೃದಯದಿಂದ ಅವಳನ್ನು ನಾನು ಭಾವಿಸಿದೆ ! ಅವಳೊಂದಿಗಿನ ನಾನು ನಿಜ ! ಅವಳ ಹತ್ತಿರಕ್ಕೆ ನಾನು ಹೋಗಿಬಿಟ್ಟರೇ ಅನ್ನುವ ಹೆದರಿಕೆಯಿಂದ ಅವಳು ಮತ್ತೊಬ್ಬರನ್ನು ನಮ್ಮ ನಡುವೆ ತಂದರೂ… , ಅವಳಿಗಾಗಿಯೇ ನಾನು ಬಂದೆ ಅನ್ನುವ ಅರಿವೇನಾದರೂ ಮೂಡಿ ನಾನಿರುವಾಗ ಉಳಿದವರಿಗಾಗಿಯೂ ಬರದಷ್ಟು ದೂರ ಅವಳು ಹೋಗಿಬಿಟ್ಟರೇ… , ಅನ್ನುವ ಹೆದರಿಕೆಯಲ್ಲಿಯೇ… , ಅವಳಿಗಾಗಿ ಅನ್ನುವ ಅರಿವು ಅವಳಿಗೆ ಇಲ್ಲದಂತೆ… , ಅವಳಿರುವಲ್ಲಿ ಕ್ಷಣ ಕಳೆಯುತ್ತೇನೆ ! ಹೆದರಿಕೆ ! ಅವಳಿಲ್ಲದ ಕಲ್ಪನೆಯೇ ಹೆದರಿಕೆ ! ಯಾಕೆಂದರೆ… , ಅವಳಿಗೆ ನಾನು… , ಮೋಸಗಾರ ! ೨ “ ನಾನೊಬ್ಬ ಸೈಕೋ !” ಎಂದೆ . ಸರಿ ಅನ್ನುವಂತೆ ತಲೆಯಾಡಿಸಿದಳು ! “ ನನ್ನೊಂದಿಗೆ ಸೇರುವುದು ನಿನಗೆ ಕಳಂಕ ತರಬಹುದು !” ಎಂದೆ . ಮುಗು...

ಸೀತಾಹೃದಯ ! ರಾಮಾಯಣ - ಮಹಾಭಾರತ ! ಭಾರತದ ಸಾಹಿತ್ಯದ , ಸಂಸ್ಕಾರದ ತಾಯಿಬೇರು ! ಒಂದು ಆದಿಕಾವ್ಯವಾದರೆ ಮತ್ತೊಂದು ಮಹಾಕಾವ್ಯ ! ಅದೆಷ್ಟು ಸಾವಿರ - ಲಕ್ಷ… , ಕವಿಗಳು , ಸಾಹಿತಿಗಳು , ಬರಹಗಾರರು , ವಿಮರ್ಶಕರು ಇದರ " ಬಗ್ಗೆ " ಬರೆದಿದ್ದಾರೋ , " ಇದನ್ನೇ " ತಮ್ಮ ದೃಷ್ಟಿಕೋನದಲ್ಲಿ ಬರೆದಿದ್ದಾರೋ… ಅದೆಷ್ಟು ಕಲ್ಪನೆಗಳಿಗೆ ಈ ಕಾವ್ಯಗಳು ಮೂಲವೋ… ಈಗ ಇವನೂ… , ನನ್ನ ಮೂಲಕ ತನ್ನದೊಂದು ದೃಷ್ಟಿಕೋನವನ್ನು ಸೇರಿಸುತ್ತಿದ್ದಾನೆ ! ಕಾರಣವೇನು… ? ರಾಮಾಯಣ ಮಹಾಭಾರತದಬಗ್ಗೆ ಯಾರು ಬೇಕಾದರೂ ಬರೆಯಲಿ… , ಆದರೆ ಅದರ ಮಹತ್ವವನ್ನು ಅರಿತು ಬರೆಯಲಿ ಅನ್ನುವುದು ಅವನ ತುಡಿತ ! ನಾನು - ಸೀತೆ ! ನನ್ನ ಮೂಲಕ ಮಾತನಾಡುತ್ತಿರುವವನು ನನ್ನನ್ನೇ ತಾಯಿಯೆಂದು ಪೂಜಿಸುವ ದೇವೀಪುತ್ರ ! ಅವನ ಹೆಸರಿನ ಮೂಲ ನಾನೇ ! ನನ್ನ ಹೃದಯವನ್ನು ಅರಿತವನು ಅವನು ! ಯಾರೋ ಒಬ್ಬರು ನನ್ನಬಗ್ಗೆ ಆಧುನಿಕ ಧಾರವಾಹಿಯಲ್ಲಿ ಬರುವ ಅಳುಮುಂಜಿ ನಾಯಕಿಯರ ಮಟ್ಟದಲ್ಲಿ ಬರೆದಾಗ ಅವನಿಗೆ ಸಹಿಸಲಿಲ್ಲ ! ಅದೆಷ್ಟು ಜನ ಬರೆದಿದ್ದಾರೋ… ಅದೆಷ್ಟು ಜನ ಕಲ್ಪನೆಯನ್ನು ಹರಿಯಬಿಟ್ಟಿದ್ದಾರೋ… ಆದರೆ ಈಗ… , ಪಾಪ ಯಾರೋ ಆತ - ಬರೆದ ಬರಹವೊಂದು ಇವನ ದೃಷ್ಟಿಗೇ ಬೀಳಬೇಕೆ… ? ಅದೂ ಅಷ್ಟು ಜನರ ಮನ್ನಣೆಯನ್ನು ಪಡೆದ ಬರಹ ! ಮನ್ನಣೆಯನ್ನು ಯಾಕೆ ಪಡೆಯಿತು… ? ಈ ರೀತಿಯ ಕಪೋಲ ಕಲ್ಪಿತ ಬರಹಗಳಿಂದಾಗಿ ! ಅದೇ ನಿಜವೆಂದು ಬಿಂಬಿತವಾಗಿದ್ದರಿಂದಾಗಿ ! ...

ಸೋಲು ಗೆಲುವಿನ ಲೆಕ್ಕಾಚಾರದಲ್ಲಿ ! ೧ ಸೋಲು ಗೆಲುವಿನ ಲೆಕ್ಕಾಚಾರದಲ್ಲಿ ಏನೋ ನೋವು ! ಅಂದುಕೊಂಡದ್ದನ್ನು ಸಾಧಿಸುವುದು ಗೆಲುವೆ , ಅಥವಾ… , ಅಂದುಕೊಂಡದ್ದನ್ನು ಸಾಧಿಸಲು ಕಳೆದುಕೊಳ್ಳಬೇಕಾಗಿ ಬಂದದ್ದನ್ನು ಉಳಿಸಿಕೊಂಡಿದ್ದರೆ ಅದು ಗೆಲುವೆ ? ಎರಡೂ ನಡೆದರೆ ಗೆಲುವು ಅನ್ನುವಂತಿಲ್ಲ ! ಯಾಕೆಂದರೆ… , ಜೀವನದಲ್ಲಿ ಪ್ರತಿಯೊಂದೂ ಆಯ್ಕೆ !! ಒಂದೋ ಅದು ಅಥವಾ ಇದು ! ಕಠಿಣವಾದ ಆತ್ಮವಿಮರ್ಶೆಗೆ ಒಳಗಾಗಲ್ಪಡುತ್ತಿದ್ದೇನೆ ! ಯಾವುದು ಅಹಂ - ಯಾವುದು ಹೆಮ್ಮೆ ? ಕಳೆದುಕೊಂಡದ್ದು ಏನು - ಗಳಿಸಿದ್ದು ಏನು ? ಇದುವರೆಗಿನ ಜೀವನದಲ್ಲಿ " ಆತ್ಮತೃಪ್ತಿ " ಯಾದರೂ ಉಳಿದಿದೆಯೇ ಅನ್ನುವುದು ಪ್ರಶ್ನೆ ! ೨ “ ನಿಮ್ಮ ಪುಸ್ತಕ ಯಾಕೋ ಹಿಡಿಸಲಿಲ್ಲ ! ಬಾಲಿಶವಾಗಿದೆ !” ಅಂದೆ ! ಹೇಳಿದ ನಂತರ ಹೇಳಬಾರದಿತ್ತೇನೋ ಅನ್ನಿಸಿತು ! ಆದರೆ… , ಇರುವುದನ್ನು ಹೇಳಿದರೆ ತಪ್ಪೇನು ? ಅಥವಾ… , ಅದು ನನ್ನ ಸ್ಪಷ್ಟ ಅಭಿಪ್ರಾಯ ! ಭೀಭತ್ಸವಾಗಿರುವ ಕಥಾಹಂದರ ಹೊಂದಿರುವ ಭ್ರಮೆ ಮೂಡಿಸುವ ಹೆಸರಿನ ಪುಸ್ತಕ ! ಓದಿ ಮುಗಿಸಿದಾಗ ಚಂದಾಮಾಮ ಓದಿದ ಅನುಭವ ! ಆದರೆ ತಾನು ಪಕ್ವವಾದವನು ಎಂದು ಬಿಂಬಿಸಲು ಕೆಲವೊಂದು ಪದಗಳನ್ನು ನೇರವಾಗಿ ಬಳಸಿದ್ದ ! ಹೆಂಗಸರ ಅಂಗಾಂಗದ ಪದ… ! ಅದು ಮತ್ತಷ್ಟು ಅಸಹನೆ ಹುಟ್ಟಿಸಿತು ! ಆ ಅಸಹನೆ ಮುಖ ಮೂತಿ ನೋಡದೆ ಅಭಿಪ್ರಾಯ ಹೇಳುವಂತೆ ಮಾಡಿತ್ತು ! ನಾನು ಹೇಳಿದ್ದನ್ನು ಆತ ಹೇಗೆ ತೆಗೆದುಕೊಳ್ಳುತ್ತಾನೆ ಅನ...