writings

ಶಿವೋಹಂ ! ೧ ಸಣ್ಣಸಣ್ಣ ಘಟನೆಗಳು ನನ್ನ ಮೇಲೆ ಬೀರುವ ಪ್ರಭಾವ ದೊಡ್ಡದೊಡ್ಡ ಘಟನೆಗಳು ಬೀರುವುದಿಲ್ಲ ! ಹಾಗೆಯೇ ಸಣ್ಣಸಣ್ಣ ಸಮಸ್ಯೆಗಳಿಗೆ ತಲೆಕೆಡಿಸಿಕೊಳ್ಳುವಷ್ಟು ದೊಡ್ಡದೊಡ್ಡ ಸಮಸ್ಯೆಗಳಿಗೆ ತಲೆಕೆಡಿಸಿಕೊಳ್ಳುವುದಿಲ್ಲ ! ಈಗೊಂದು ಸಣ್ಣ ಸಮಸ್ಯೆ ತಲೆ ತಿನ್ನುತ್ತಿದೆ ! ದೇವರೆಂದರೆ ಏನು - ಯಾರು ? ೨ ಹುಟ್ಟಿದೂರಿಗೆ ಗೆಳೆಯರೊಂದಿಗೆ ಹೋಗಿದ್ದೆ . ಚಿಕ್ಕವನಿದ್ದಾಗ ನೋಡದ ತೋಟ - ಕಾಡು ಸುತ್ತಬೇಕೆಂಬ ಆಸೆ ! ಈಗಲೂ ಅಲ್ಲಿಯ ಜನ ಕಾಡಿನೊಳಕ್ಕೆ ಹೋಗಲು ಹೆದರುತ್ತಾರೆ ! ಏನೇನೋ ಕಲ್ಪನೆಗಳು , ಕಥೆಗಳು ಅದಕ್ಕೆ ಕಾರಣ ! ನೀವು ಬರದಿದ್ದರೂ ನಾನು ಹೋಗಿ ಬರುತ್ತೇನೆ ಅನ್ನುವ ನನ್ನ ಮಾತಿಗೆ ಕಟ್ಟುಬಿದ್ದು ಗೆಳೆಯರೂ ನನ್ನೊಂದಿಗೆ ಬಂದಿದ್ದರು . ನನ್ನ ಯಾವತ್ತಿನ ಗೊಂದಲ ಅದು… , ಯಾವ ಜಾಗದಲ್ಲಿ ಯಾವ ನಾಗರೀಕತೆ ಆಗಿ ಹೋಗಿದೆಯೋ ಯಾರಿಗೆ ಗೊತ್ತು - ಅನ್ನುವುದು ! ಎಷ್ಟು ದೂರ ಚಲಿಸಿದ್ದೆವು ಅನ್ನುವ ಅರಿವಿಲ್ಲ . ಕಾಡಿನ ದಟ್ಟತೆಯನ್ನು ಕಂಡು… , “ ನನಗೆ ಹೆದರಿಕೆಯಾಗುತ್ತಿದೆ ! ವಾಪಸ್ ಹೋಗೋಣ !” ಎಂದ ಒಬ್ಬ ಗೆಳೆಯ . “ ಇನ್ನೊಂದಷ್ಟು ದೂರ ಹೋಗಿ ನೋಡೋಣ !” ಎಂದೆ ನಾನು . “ ನೀನೇನೋ ಮಾಡಪ್ಪ ! ಸುಮ್ಮನೆ ಯಾಕೆ ಇಲ್ಲದ ರಿಸ್ಕು ! ನಾವು ವಾಪಸ್ ಹೋಗ್ತೀವಿ !” ಎಂದ ಮತ್ತೊಬ್ಬ ಗೆಳೆಯ . ಅವರು ಮರಳಿದರೆ ನಾನೂ ಅವರೊಂದಿಗೆ ಮರಳುತ್ತೇನೆನ್ನುವ ನಂಬಿಕೆ ಅವರಿಗೆ ! “ ಸರಿ… , ನೀವು ಹೋಗಿರಿ… , ನಾನು ಬರ್ತೀನಿ !” ಎಂದೆ . ...

* " ಒಂದು ತತ್ತ್ವ ಹೇಳು !" " ತತ್ತ್ವ ಹೇಳಲಿರುವುದಲ್ಲ !" " ಮತ್ತೆ ?" " ಕಂಡುಕೊಳ್ಳಲಿರುವುದು !" " ಸರಿ ..., ನೀ ಕಂಡುಕೊಂಡ ತತ್ತ್ವ ಹೇಳು !" " ನನ್ನ ತತ್ತ್ವ ನಿನಗೆ ತತ್ತ್ವವಾಗಬೇಕೆಂದಿಲ್ಲ !" " ಪರವಾಗಿಲ್ಲ ಹೇಳು !" " ಕತ್ತಲಿರುವುದು ಅವಿತುಕೊಳ್ಳಲು ಅಲ್ಲ - ಮರೆಯಾಗಿರಲು !" " ಅರ್ಥವಾಗಲಿಲ್ಲ !" " ಹಾಗಿದ್ದರಿದು ತತ್ತ್ವವೆಂದು ಖಚಿತವಾಯಿತು !" " ಹೇಗೆ ?" " ಹೇಳಿದೆನಲ್ಲಾ ...! ತತ್ತ್ವವಿರುವುದು ಕಂಡುಕೊಳ್ಳಲು ! ಅರ್ಥ ಕಂಡುಕೋ !" " ಎಲ್ಲಿಗೆ ಹೋಗುತ್ತಿದ್ದೀಯ ... ಒಂದು ಕ್ಲೂ ಕೊಟ್ಟು ಹೋಗು " " ಜನಪ್ರಿಯತೆಯೆಂಬ ಅಮಲಿನಿಂದ ಕತ್ತಲಿಗೆ !"

ಸತ್ಯಭಾಮಾರುಕ್ಮಿಣೀಯಂ ! ಒಂದು ಕನಸುಬಿತ್ತು . ತುಂಬಾ ಸೀರಿಯಸ್ ಕನಸು ! ನಗಬಾರದು ! ಇದೊಂದು ದೊಡ್ಡ ಸಮಸ್ಯೆ ನನಗೆ ! ನಾನು ತಮಾಷೆಯ ವಿಷಯ ಹೇಳುವಾಗ ಯಾರೂ ನಗುವುದಿಲ್ಲ ! ಸೀರಿಯಸ್ ವಿಷಯ ಹೇಳುವಾಗ ನಗುತ್ತಾರೆ ! ಆದ್ದರಿಂದ ಒಂದು ನಿಯಮವನ್ನು ಇಟ್ಟುಕೊಂಡಿದ್ದೇನೆ ! ಹೇಳುತ್ತಿರುವುದು ಸೀರಿಯಸ್ ವಿಷಯವೋ ತಮಾಷೆಯೋ ಎಂದು ಮೊದಲೇ ಹೇಳಿಬಿಡುವುದು ! ಅದೊಂದು ದೊಡ್ಡ ವೇದಿಕೆ ! ಅಂತರರಾಷ್ಟ್ರೀಯ ಮಟ್ಟದ ಇಂಟರ್‌ವ್ಯೂ ! ಇಂಟರ್‌ವ್ಯೂ ಮಾಡುತ್ತಿರುವುದು ಯಾರೋ ವಿದೇಶೀ ಹೆಣ್ಣು ! ಮನುವಿಗೂ ಇಂಗ್ಲೀಷಿಗೂ ಆಗಿಬರುವುದಿಲ್ಲ ! ಕಲಿಯುವುದಿಲ್ಲ ಅನ್ನುವ ಹಠ ಮನೂಗಾದರೆ ಅರ್ಥವಾದರೆ ತಾನೆ ಕಲಿಯುವುದು ಅನ್ನುವ ಧಿಮಾಕು ಇಂಗ್ಲೀಷಿಗೆ ! ಆದರೇನು ? ಆ ಹೆಣ್ಣಿನ ಪ್ರತಿ ಪ್ರಶ್ನೆಯೂ ಮನೂಗೆ ಅರ್ಥವಾಯಿತು ! ಅವನು ಉತ್ತರಿಸುತ್ತಿದ್ದದ್ದು ಸಂಸ್ಕೃತದಲ್ಲಿ ! ವಾಸ್ತವದಲ್ಲಿ ಇಂಗ್ಲೀಷಿನಷ್ಟೂ ಗೊತ್ತಿಲ್ಲದ ಸಂಸ್ಕೃತವನ್ನು ಎಷ್ಟು ಸ್ಪಷ್ಟವಾಗಿ ಹೇಳುತ್ತಿದ್ದೆನೆಂದರೆ… , ಮನೂಗೇ ಮನೂಮೇಲೆ ಅಸಾಮಾನ್ಯ ಅಭಿಮಾನ ಹುಟ್ಟುವಷ್ಟು ! ಇನ್ನು ಇಂಟರ್‌ವ್ಯೂ ನಡೆಯುತ್ತಿರುವುದು ಯಾವ ವಿಷಯದ ಬಗ್ಗೆ ? ಮನುವಿನ ಅಸಾಮಾನ್ಯ ಕಥೆಗಳಬಗ್ಗೆಯೋ ಅವನ ಅದ್ಭುತ ವಿಧ್ವತ್ತಿನ ಬಗ್ಗೆಯೋ ಅಲ್ಲ ! ಯಾಕೆ ಹಾಗೆಂದು ಕೇಳಿದರೆ… , ಆ ಇಂಟರ್‌ವ್ಯೂ ನಡೆಯುತ್ತಿದೆ - ಅದಕ್ಕೆ ಯೋಗ್ಯರಾದವರೊಂದಿಗೆ ಅನ್ನುವ ಉತ್ತರ ! ಸರಿ… , ಮನುವಿನ ಇಂಟರ್‌ವ್ಯೂ ಯಾವುದರಬಗ್ಗೆ ? ಅವನ… , ಸ...

"ಕಳೆದ ವರ್ಷ ನೀನಾಡಿದ ಮಾತುಗಳು ನನಗಿನ್ನೂ ನೆನಪಿದೆ! ಇಂದು ಅವುಗಳು ತನ್ನ ಅರ್ಥ ಕಳೆದುಕೊಂಡಿದೆ!" ಎಂದಳು. "ಕಳೆದವರ್ಷ ನನಗಾದ ಗಾಯಕ್ಕೆ ಅಂದೇ ಹೊಲಿಗೆ ಹಾಕಿದೆ! ಇಂದು ಕಲೆ ಮಾತ್ರ ಉಳಿದಿದೆ!" ಎಂದೆ.

* ಅದ್ಭುತ ಸೌಂಧರ್ಯ ಅವಳಿಗೆ ! ಆದರೇನು ? ವಕ್ರಬುದ್ಧಿ ! ಆತನೋ ಅಷ್ಟಾವಕ್ರ ! ಆದರೆ ... ಅದ್ಭುತ ಜ್ಞಾನಿ ! ಮದುವೆಯಾದರು ! ಹುಟ್ಟಿದ ಮಗುವಿಗೋ ...? ಅವಳ ಬುದ್ಧಿ , ಆತನ ರೂಪ !

ತಟ್ಟನೆ ಮುಗಿದ ಸಣ್ಣ ಕಥೆ ! * ಅವಳ ಹೃದಯದ ಅರಿವಾಗಲು ಹೆಚ್ಚು ಸಮಯ ಬೇಕಾಗಲಿಲ್ಲ ! ಸ್ವಭಾವದ ಅರಿವಾಗಿರಲಿಲ್ಲ ! ಅವಳಿಗೋ ..., ನನ್ನ ಸ್ವಭಾವದ ಅರಿವಾಗಲು ಹೆಚ್ಚು ಸಮಯ ಬೇಕಾಗಲಿಲ್ಲ ! ಹೃದಯದ ಅರಿವಾಗಲಿಲ್ಲ - ಆಗಲೇ ಇಲ್ಲ ! ಈಗ ..., ಅವಳ ಹೃದಯವೂ ಸ್ವಭಾವವೂ ಅರಿವಾಗಿದೆ ! ಪ್ರಪಂಚದಲ್ಲಿ ಅವಳನ್ನು ತಡೆದುಕೊಳ್ಳಬಹುದಾದ ಯಾರಾದರೊಬ್ಬರಿದ್ದರೆ ಅದು ನಾನೆ ! ಆದರೆ ..., ಅವಳಿಗೆ ನಾನು ಬೇಡ !

ಅಹಂಕಾರ ! ಹದಿಮೂರು ವರ್ಷದಿಂದ ಚಾಮುಂಡಿಬೆಟ್ಟ ಹತ್ತುತ್ತಿದ್ದೇನೆ ! ಪ್ರತಿ ದಿನ ಹತ್ತುತ್ತಿದ್ದವನು ಕೊರೋನ ಸಮಯದಲ್ಲಿ ಕಾಲಿಗೆ ಬಿದ್ದ ಪೆಟ್ಟಿನಿಂದಾಗಿ , ಲಿಗಮೆಂಟ್ ಕಟ್ಟಾಗಿ , ಆಪರೇಷನ್ ಮಾಡಿಸಿಕೊಂಡನಂತರ… , ವಾರಕ್ಕೆ ನಾಲ್ಕು - ಐದು ದಿನ ಹತ್ತುತ್ತೇನೆ ! ವ್ಯಾಯಾಮವೇ ಉದ್ದೇಶ . ಬೆಳಕು ಮೂಡುವ ಮುನ್ನ ಹತ್ತಿ ಇಳಿಯುವುದು ಅಭ್ಯಾಸ ! ಬೆಳಗ್ಗಿನ ಐದು ಗಂಟೆಗೆ ಅಲ್ಲಿ ತಲುಪಿ , ಮೆಟ್ಟಿಲು ಹತ್ತಲು ಶುರು ಮಾಡುವ ಮೊದಲು - ಹತ್ತುನಿಮಿಷ ವಾರ್ಮ್‌ಅಪ್ ಮಾಡುತ್ತೇನೆ ! ನಂತರ ಒಂಬೈನೂರು ಮೆಟ್ಟಿಲು ದಾಟಿದಮೇಲೆ , ಹನುಮಂತನ ಗುಡಿಯಬಳಿ - ಹತ್ತು ನಿಮಿಷ ಕಠಿಣ ವ್ಯಾಯಾಮ ಮಾಡುತ್ತೇನೆ . ಅದರಲ್ಲಿ… , ಅಂಗಾತನೆ ಮಲಗಿ , ಕಾಲನ್ನು ಮಾತ್ರ ಮೇಲಕ್ಕೆ ಎತ್ತಿ , ಪುನಃ ನೆಲಕ್ಕೆ ತಾಗದಂತೆ ಕೆಳಕ್ಕೆ ತಂದು , ಪುನಃ ಮೇಲಕ್ಕೆ… , ಹೀಗೆ… , ಇಪ್ಪತ್ತೈದು ಸಾರಿ ಮಾಡಿ ಏಳಲೆಂದು ಪಕ್ಕಕ್ಕೆ ತಿರುಗುವಾಗ ಸರಿಯಾಗಿ , ಯಾರೋ ನನ್ನನ್ನೇ ನೋಡುತ್ತಾ ನಿಂತಿರುವ ಅನುಭವವಾಗುತ್ತದೆ ! ಪ್ರತಿ ದಿನ ! ಅಂಗಾತನೆ ಮಲಗುವಾಗ ಅಂದುಕೊಳ್ಳುತ್ತೇನೆ… , ಇವತ್ತು ಹೆದರಬಾರದೆಂದು ! ಆದರೆ ಏಳುವಾಗ - ಅತಿ ಸ್ಪಷ್ಟವಾಗಿ - ಅಷ್ಟು ಹತ್ತಿರ - ನನ್ನನ್ನೇ ದಿಟ್ಟಿಸುತ್ತಾ ! ಬೆಚ್ಚಿ ಎದ್ದುನಿಲ್ಲುವಷ್ಟರಲ್ಲಿ ಮಾಯ ! ಏನಿರಬಹುದು ಈ ರಹಸ್ಯ ? * ಈ ನನ್ನ ಅನುಭವವನ್ನು ಬರೆದು ಫೇಸ್‌ಬುಕ್‌ನಲ್ಲಿ ಹಾಕಿದೆ ! ಅದನ್ನು ಓದಿದ ಗೆಳೆಯ… , “ ಬಿಲ್ಡಪ್ ತಗೋತೀಯಾ… !?” ಎಂ...

ಶಬರಿ ! * “ ಬೇಗ ಕಥೆ ಬರೀ… , ಶಬರಿಯ ಕಥೆ !” ಎಂದಳು . “ ಎಂತದೆ ನಿನ್ನದು… , ಪದೇ ಪದೇ !” ಎಂದೆ . “ ನೀ ಒಬ್ನೆ ನೆಮ್ಮದಿಯಾಗಿದ್ರೆ ಆಯ್ತಾ… , ಬಿಡ್ತೀನ ? ಕಥೆ ಬರಿಲೇ ಬೇಕೀಗ !” ಎಂದಳು . “ ಬರೆಯದಿದ್ದರೆ ?” ಎಂದೆ . ಅವಳೇನೂ ಹೇಳಲಿಲ್ಲ . ಒಂದುಕ್ಷಣ ಮುಖ ಕಳೆಗುಂದಿರುತ್ತದೆ . ಅದೇನು ಮಾಯವೋ… , ನನ್ನಮೇಲಿನ ಅವಳ ಮುನಿಸು ಹೆಚ್ಚು ಸಮಯ ಇರುವುದಿಲ್ಲ ! ಕೆಲವೊಮ್ಮೆ ಅನ್ನಿಸುತ್ತದೆ… , ನನ್ನನ್ನು ನಾನಾಗಿ ಉಳಿಸಿರುವುದು , ಯಾವುದೇ ಆಪತ್ತು ಬರದಂತೆ ನನ್ನನ್ನು ಕಾಪಾಡುತ್ತಿರುವುದು ಅವಳ ಪ್ರೇಮವೇ ಏನೋ - ಎಂದು ! ಅಷ್ಟು ಗಾಢವಾದ ಪ್ರೇಮ ಅವಳದ್ದು ! “ ನೀನೇನೂ ಸಾಮಾನ್ಯದವಳಲ್ಲ ! ಅದ್ಭುತ ನಿರೂಪಣೆಯ ಕಥೆಗಾತಿ ! ನೀನೇ ಒಂದು ಕಥೆ ಬರಿ - ನನಗಾಗಿ !” ಎಂದೆ . “ ನೀ ಬರೀ ಅಂದಕೂಡಲೇ ಬರೆಯಲು ನಾನೇನು ನೀನಾ ?” ಎಂದಳು . “ ಅಲ್ಲವಾ ?” ಎಂದೆ . ಮೌನ ! ಅವಳು ನನ್ನ ಭಾವಾನುಭೂತಿ ! ಅವಳು ನನಗೆ ಅನುಭಾವಿಸಲ್ಪಡುವಷ್ಟು ಬೇರೆ ಯಾರೂ ಅನುಭಾವಿಸಲ್ಪಡುವುದಿಲ್ಲ ಅನ್ನುವಲ್ಲಿ - ಅವಳ ಪ್ರೇಮದ ಗಾಢತೆಯಿದೆ . ಅವಳೆಂದಿಗೂ ನನಗೊಂದು ಅದ್ಭುತವೇ ! “ ನನ್ನ ಕಾರಣವಾಗಿ ಬರೆಯುವುದನ್ನು ನಿಲ್ಲಿಸಿದವಳು ನೀನು ! ನೀನೊಂದು ಕಥೆ ಬರೆಯುವವರೆಗೆ ನಾನು ನಿನ್ನಬಗ್ಗೆ ಬರೆಯುವುದಿಲ್ಲ !” ಎಂದು ಅವಳ ಮುಖವನ್ನು ನೋಡಿ… , “ ನೀನು ನನ್ನ ಬಗ್ಗೆಯೇ ಬರೆಯಬೇಕೆಂದಿಲ್ಲ ! ಒಂದು ಕಥೆ - ಅಷ್ಟೆ… , ಬರೆಯುವವರೆಗೆ ನಾನು ನಿನ್ನ ಕಥೆ ಬರೆಯ...

ನೆಮ್ಮದಿ ! “ ಕಥೆ ಬರೆಯಲೇ ಬೇಕು ಅನ್ನುವ ಒತ್ತಡ !” “ ಬರಿ !” “ ಏನೂ ಹೊಳೆಯುತ್ತಿಲ್ಲ !” “ ಮತ್ತೆ ಒತ್ತಡವೆಂದರೆ ?!” “ ಕಥೆ ಬರೆಯದಿದ್ದರೆ ನೆಮ್ಮದಿಯಾಗಿದ್ದೇನೆಂದು ಅರ್ಥ !” “ ಇಲ್ಲವಾ ?” “ ಅದನ್ನು ಒಪ್ಪಿಬಿಟ್ಟರೇನು ಸ್ವಾರಸ್ಯ ?” “ ಅಂದರೆ… ?” “ ನೆಮ್ಮದಿಯಾಗಿದ್ದೇನೆಂದು ಒಪ್ಪಿಬಿಟ್ಟರೆ ಹುಚ್ಚನೆಂದು ಅನ್ನಿಸಿಕೊಳ್ಳಬೇಕಾಗುತ್ತದೆ !” “ ನೆಮ್ಮದಿಯಾಗಿರುವವರೆಲ್ಲಾ ಹುಚ್ಚರೇ ?” “ ನೆಮ್ಮದಿಯಾಗಿರುವವರೊಬ್ಬರನ್ನಾದರೂ ತೋರಿಸು ನೋಡೋಣ !” “……!” “ ನಾನೇನೋ ಭಯಂಕರ ದುಃಖದಲ್ಲಿದ್ದೇನೆ , ನನ್ನ ಬದುಕು ಶೂನ್ಯ , ನನ್ನಂಥಾ ದುರಾದೃಷ್ಟವಂತ ಇಲ್ಲ , ಪ್ರಪಂಚ ಪೂರ್ತಿ ಸ್ವಾರ್ಥ ತುಂಬಿದೆ… ! ನನ್ನ ಹೊರತು ಪ್ರಪಂಚವೆಲ್ಲಾ ಸಂತೋಷದಿಂದಿದೆ… , ಈ ರೀತಿ ಅಂದುಕೊಳ್ಳುವವರ ಮಧ್ಯೆ ಇದ್ದು ನೆಮ್ಮದಿಯಾಗಿದ್ದೇನೆಂದರೇನರ್ಥ !” “ ಸರಿ… , ಬೇಗ ಕಥೆ ಬರಿ !”

ಹದಿಮೂರು ವರ್ಷದಿಂದ ಚಾಮುಂಡಿಬೆಟ್ಟ ಹತ್ತುತ್ತಿದ್ದೇನೆ ! ಪ್ರತಿ ದಿನ ಹತ್ತುತ್ತಿದ್ದವನು ಕೊರೋನ ಸಮಯದಲ್ಲಿ ಕಾಲಿಗೆ ಬಿದ್ದ ಪೆಟ್ಟಿನಿಂದಾಗಿ , ಲಿಗಮೆಂಟ್ ಕಟ್ಟಾಗಿ , ಆಪರೇಷನ್ ಮಾಡಿಸಿಕೊಂಡನಂತರ… , ವಾರಕ್ಕೆ ನಾಲ್ಕು - ಐದು ದಿನ ಹತ್ತುತ್ತೇನೆ ! ವ್ಯಾಯಾಮವೇ ಉದ್ದೇಶ . ಬೆಳಕು ಮೂಡುವ ಮುನ್ನ ಹತ್ತಿ ಇಳಿಯುವುದು ಅಭ್ಯಾಸ ! ಬೆಳಗ್ಗಿನ ಐದು ಗಂಟೆಗೆ ಅಲ್ಲಿ ತಲುಪಿ , ಮೆಟ್ಟಿಲು ಹತ್ತಲು ಶುರು ಮಾಡುವ ಮೊದಲು - ಹತ್ತುನಿಮಿಷ ವಾರ್ಮ್‌ಅಪ್ ಮಾಡುತ್ತೇನೆ ! ಒಂಬೈನೂರು ಮೆಟ್ಟಿಲು ದಾಟಿದಮೇಲೆ , ಹನುಮಂತನ ಗುಡಿಯಬಳಿ - ಹತ್ತು ನಿಮಿಷ ಕಠಿಣ ವ್ಯಾಯಾಮ ಮಾಡುತ್ತೇನೆ . ಅದರಲ್ಲಿ… , ಅಂಗಾತನೆ ಮಲಗಿ , ಕಾಲನ್ನು ಮಾತ್ರ ಮೇಲಕ್ಕೆ ಎತ್ತಿ , ಪುನಃ ನೆಲಕ್ಕೆ ತಾಗದಂತೆ ಕೆಳಕ್ಕೆ ತಂದು , ಪುನಃ ಮೇಲಕ್ಕೆ… , ಹೀಗೆ… , ಇಪ್ಪತ್ತೈದು ಸಾರಿ ಮಾಡಿ ಮೇಲಕ್ಕೆ ಏಳಲು ತಿರುಗುವಾಗ… , ನನ್ನನ್ನೇ ನೋಡುತ್ತಾ ಯಾರೋ ನಿಂತಿರುವ ಅನುಭವವಾಗುತ್ತದೆ ! ಪ್ರತಿ ದಿನ ! ಅಂಗಾತನೆ ಮಲಗುವಾಗ ಅಂದುಕೊಳ್ಳುತ್ತೇನೆ… , ಇವತ್ತು ಹೆದರಬಾರದೆಂದು ! ಆದರೆ ಏಳುವಾಗ - ಅತಿ ಸ್ಪಷ್ಟವಾಗಿ - ಅಷ್ಟು ಹತ್ತಿರ ! ಬೆಚ್ಚಿ ಏಳುವಷ್ಟರಲ್ಲಿ ಮಾಯ ! ಏನಿರಬಹುದು ಈ ರಹಸ್ಯ ?

ಪ್ರೇಮ - ಜೀವನ ಧರ್ಮ ! ಇದು ನಾಂದಿಯೋ… , ಮುಕ್ತಾಯವೋ… , ಹೊಸ ನಾಂದಿಯ ನಾಂದಿಯೋ… ತಿಳಿಯದು ! ಪೂರ್ಣವಿರಾಮ ಯಾವತ್ತಿಗೂ ಹೊಸ ವಾಕ್ಯದ ನಾಂದಿಯೇ ಆಗಿರುತ್ತದೆ ! ಆದ್ದರಿಂದ… , ನಾಂದಿ :- ಅದೇನು ಮಾಯವೋ… , ಬೆಳಗಿನಿಂದಲೂ ಏನೋ ದುಗುಡ ! ಕಿಬ್ಬೊಟ್ಟೆಯಲ್ಲೇನೋ ತಳಮಳ ! ಅವ್ಯಕ್ತ ಗೊಂದಲ ! ಹೃದಯಬಡಿತದಲ್ಲಿಯೂ ವ್ಯತ್ಯಾಸ… ! ಅವಳನ್ನು ಭೇಟಿಯಾಗುತ್ತಿರುವುದರ ಉದ್ವೇಗವೋ… ? ಅಥವಾ ಭೇಟಿಯಲ್ಲಿ ನಡೆಯಬಹುದಾದ ವಿಪರೀತದ ಮುನ್ಸೂಚನೆಯೋ ? ಮೊದಲ ಭೇಟಿಯೇನೂ ಅಲ್ಲ ! ಪ್ರತಿ ಭೇಟಿಯಲ್ಲೂ ಈ ಉದ್ವೇಗದ ಅನುಭವವಾಗಿದೆ ! ಆದರೆ ಇಂದಿನ ತಳಮಳ ಮೊದಲಬಾರಿ ! ವಿಚಿತ್ರ ಒತ್ತಡ ! ಒತ್ತಡವಾ ? ಅಲ್ಲ ! ಇನ್ನೇನು… ? ತಿಳಿಯದು ! ಅವಳೊಂದು ಅದ್ಭುತ ನನಗೆ . ಅಸಾಧ್ಯ ಸೌಂಧರ್ಯ ! ಅದಕ್ಕನುಗುಣವಾದ ಬೌದ್ಧಿಕಮಟ್ಟ ! ಅಸಾಮಾನ್ಯ ಅಲ್ಲದಿದ್ದರೂ ಅಪರೂಪದ ಘಟನೆಯೊಂದರಿಂದ ಪರಿಚಯವಾಗಿದ್ದೆವು ! ಘಟನೆಯಾ… ? ಅಂದರೆ - ಅಲ್ಲ ! ಅದೊಂದ ಆಕಸ್ಮಿಕ ! ಮೊಟ್ಟಮೊದಲಬಾರಿ… , ನನ್ನ ಕಥೆಯೊಂದಕ್ಕೆ ಅವಳೂ ಅವಳ ಕವಿತೆಯೊಂದಕ್ಕೆ ನಾನೂ ಏಕಕಾಲದಲ್ಲಿ ಕಮೆಂಟ್ ಮಾಡಿದ್ದೆವು ! ನಂತರ ಪರಸ್ಪರ ಪ್ರತಿಕ್ರಿಯೆ , ಅಭಿಪ್ರಾಯ ವ್ಯತ್ಯಾಸ , ಜಗಳ… ! ಒಡನಾಟಕ್ಕೆ ಅಷ್ಟು ಸಾಕಿತ್ತು ! ಎಷ್ಟೆಷ್ಟು ವಿಷಯಗಳು… , ಚರ್ಚೆಗಳು ವಾದ ವಿವಾದಗಳು ! ಅರಿಯದೆ ಆಕರ್ಷಿತರಾಗಿದ್ದೆವು . ಅದೇನು ವಿಚಿತ್ರವೋ… , ಅವಳು ನನಗಿಂತ ಹೆಚ್ಚು ಅನ್ನುವ ಭಾವ ! ಅವಳ ಪ್ರೌಢತೆ… , ...